Pantun Adat Minang

Oleh Rajo Basa Minangkabau

Kaluak paku kacang balimbiang
Tampuruang lenggang-lenggangkan
Anak dipangku kamanakan dibimbiang
Urang kampuang dipatenggangkan

Cubadak ambiak kagulai
Talatak di tangah padang
Apo nan titah dipegawai
Ditiliek dalam undang-undang

Manembak tibo dihulu
Kanai anggang tabang duo
Apo nan cupak dipangulu
Mananti kato nan saiyo

Biriek-biriek tabang kasamak
Dari samak ka halaman
Dari niniak turun ka mamak
Dari mamak turun ka kamanakan

Pangka jaguang baurek mati
Umpan tangkariak anai-anai
Dimano sajo kampuang dihuni
Disinan pulo adaik dipakai

Alah ba-uriah bak sipasan
Kok bakiak alah bajajak
Walau batuka putaran musim
Sandi adaik ijan dianjak

Kato pangulu manyalasai
Mandareh kato dubalang
Adaik kok kurang ta-kuasai
Dunia jadi mangapalang

Nagari bapaga undang
Kampuang bapaga jo buek
Tiok lasuang ba ayam gadang
Salah tampuah buliah diambek

Pisang sikelat-kelat hutan
Pisang timbatu nan bagatah
Koto piliang inyo bukan
Bodi caniago inyo antah

Mancampak sambia ka hulu
Dapeklah pantau dek manjalo
Adaik luhak ba-pangulu
Kok rantau bari barajo

Baju lah sudah dari balai
Basamo kito manyaruangkan
Alua jo patuik nan dipakai
Basamo kito manggunokan

Dahan kamuniang bialah patah
Asa mangkudu jan talendo
Di lahia rajo nan disambah
Di bathin rakyat nan kuaso

Walau hinggok nan mancakam
Kuku nan tajam tak baguno
Walau mamacik tampuak alam
Kato mupakaik nan kuaso

Patitiah pamenan andai
Gurindam pamenan kato
Pangulu kalau tak pandai
Nagari caie kampuang binaso

Anggang lalu antah jatuah
Jatuahnyo tantang marawa
Cupak pangulu kok tasintuah
Anak kamanakan namuah tajua

Bajua bamurah-murah
Dibali baru ditimbang
Jiko pamimpin tak samo arah
Di sinan rakyat jadi bimbang

Daulu rabab nan batangkai
Kini cubadak nan baguno
Daulu adaik nan bapakai
Kini lagak nan paguno

Pincalang biduak rang tiku
Didayuang sambia manungkuik
Basilang kayu dalam tungku
Disinan api mangko ka iduik

Rumah gadang bari bapintu
Nak tarang jalan ka dalam
Kalua dikumpa saleba kuku
Jikok dikambang saleba alam

Ramo-ramo sikumbang jati
Katik Endah pulang bakudo
Patah tumbuah hilang baganti
Pusako lamo baitu juo

Si-Muncak mati tarambau
Ka ladang mambao ladiang
Adaik jo syarak di Minangkabau
Ibaraik aua jo tabiang

Comments

Post a Comment

Popular posts from this blog

PIDATO PASAMBAHAN ADAT MINANG KABAU

ANEKA PASAMBAHAN MAKAN (HIDANGAN KATANGAH)       Aneka Pasambahan makan ini merupakan kumpulan pasambahan makan/hidangan katangah yang di edit dari berbagai sumber sebagaimana tertera pada setiap bagian/judul tulisan ini.   Seiring dengan ucapan terima kasih kepada semua narasumber, diharapkan kehadiran  kumpulan tulisan ini kiranya bermanfaat terutama bagi anggota kelompok basurah adat untuk dapat lebih memudahkan dalam rangka penguasaan/pengkayaan materi pasambahan makan/hidangan katangah, bagitu juga bagi para peminat/ relawan pelestari nilai adat Budaya Minangkabau.   Tulisan ini terdiri dari 7  bagian :   Bagian I      : Pidato Pasambahan Janang   (Alek Jamuan)               Bagian II    : PASAMBAHAN MAKAN       Bagian III  :  PASAMBAHAN MAKAN Bagian IV  :  PASAMBAHAN KA MAKAN   Bagian V   :  Alur Makan minum  Bagian VI  :  SAMBAH KA MAKAN  Bagian VII : PASAMBAHAN UNTUAK KA MAKAN  m         Bagian I Pidato Pasambahan Janang
Read more

PANTUN MINANG

Kulik manih ditangah rimbo  ditabang untuk dijua  adiak manih nan denai cinto  mari kito jalang kantua kua pai karimbo manabang sariak sariak nan tatabang banyak nan mudo kasiah nan lamo tabayang baliak mambuek tasirok darah didado kaladang ambil pitulo babaok pulang sakabek iko ambo ka batanyo  sia pandai manjawek ? ...   Anak daro jo marampulai duduk basandiang di palaminan ambo nio baraja randai sia nan amuah ma ajaan Batang dadok Batang durian.... Nan Katigo Batang Palam.... Antah Jodoh Antah Bukan.... Nan Penting Kito Kenalan.... pai karimbo mamikek balam... balam tapikek hari lah sanjo.. ko' ba itu kato hati adiak nan tadalam.... bialah sadonyo ambo cibo malupoan..... Banyak bana bungo nan kambang Indak sarancak bungo padi Duo tigo gadiah nan den pandang Surang juo pautan hati pai kapariaman mancaliak tabuik tabuik tabuang hari lah sanjo.... bukan makasuik maingkari janji keadaan tu bana yang mamisahan kito....!!!! pai ka padang jo kudo pidati.,.,., kapu
Read more

Sambah Manyambah dalam Upacara Adaik Minang

Image
Oleh Rajo Basa Minangkabau Kaganti siriah nan sakapuah, umpamo rokok nan sabatang, panuruik dunsanak bakuliliang, dek kito sarik basuo. Nan naiak di dalam hati, tacinto bajawek tangan, jo diri dunsanak nan basamo, kok untuang ka jadi sitawa jo sidingin, tulisan nan ambo buek ko. Sabab kan ba‘a dek baitu, aluran badan diri ambo, tantangan tulih-manulih, aka singkek pandapek kurang, ilimu di Tuhan tasimpannyo. Tapi sapantangpun baitu, dek ujuik manantang bana, jan kalah sabalun parang, dipabulek kayu panggali, indak nan labiah dari puntuang, dipabulek hati nurani, indak nan labiah dari untuang, walau ka angok-angok ikan, bogo ka nyawo-nyawo patuang, patah kapak batungkek paruah, namun nan naiak dalam hati, mungkasuik tatap basampaian, dicubo juo bagulambek. Hanyo harapan dari ambo, kapado dunsanak bakuliliang, kok basuo kalimaik nan ndak jaleh, titiak jo koma nan salah latak, bahaso Minangnyo basalemak, tapakai bahaso  Indonesia, anggaplah bahaso maso kini, usah dicacek langk
Read more