PANTUN MINANG

Kulik manih ditangah rimbo 
ditabang untuk dijua 
adiak manih nan denai cinto 
mari kito jalang kantua kua

pai karimbo manabang sariak
sariak nan tatabang banyak nan mudo
kasiah nan lamo tabayang baliak
mambuek tasirok darah didado

kaladang ambil pitulo
babaok pulang sakabek
iko ambo ka batanyo 
sia pandai manjawek ?

... Anak daro jo marampulai
duduk basandiang di palaminan
ambo nio baraja randai
sia nan amuah ma ajaan

Batang dadok Batang durian....
Nan Katigo Batang Palam....
Antah Jodoh Antah Bukan....
Nan Penting Kito Kenalan....

pai karimbo mamikek balam...
balam tapikek hari lah sanjo..
ko' ba itu kato hati adiak nan tadalam....
bialah sadonyo ambo cibo malupoan.....

Banyak bana bungo nan kambang
Indak sarancak bungo padi
Duo tigo gadiah nan den pandang
Surang juo pautan hati

pai kapariaman mancaliak tabuik
tabuik tabuang hari lah sanjo....
bukan makasuik maingkari janji
keadaan tu bana yang mamisahan kito....!!!!

pai ka padang jo kudo pidati.,.,.,
kapulang naiak kareta api.,,.,
dulu cinto hilang dari hati.,.,.,
kini nyo dtang didalam mimpi.,.,.

pai bamain katangah rimbo..,
dapek kayu di ateh batu.,.,,.,
mungkin bdan indak basamo..,.,.,
tapi hati masih basatu.,.,,

putuih tali si layang layang 
putuih di semba si buruang alang
putuih tali kasiah sayang
badan saraso si bayang bayang

badia malatuih alang maraok
jatuah tahampeh di rumpun lado
di ambo yo sabana harok
baa kok adiak bagarah sajo

Buah Manggih diba0 kapasa..
Dibali sakilo dek rang bas0..
Jan manangih karna Cinta..
Tpi manangihlah karan0 DoSo..

tarah lai den tarah
namun kayu gadang juo
tagah lai den tagah
namun adiak mangarengkang juo

batang bukareh tumbuah tapi sawah
dahan nan manjulai ka tapi jalan
tampek hinggok si buruang punai

kok kareh diak hati untuak bapisah
tahan indak den tahan
cari lah nan labiah elok dari diri denai

anak urang pai bali bareh
di hari sanjo bali bareh ka subarang
hati diak iyo sabana kareh
jo hati ibo den lapeh adiak ka tangan urang

di buek polongan tapi talago,,,
talago banamo talago biru,,, 
ba rombong2an masuak narako,,, 
tukang saluang tajun dahulu,,,

"kaladang manakiak gatah, gatah di takiak hari lah huajan,
"sayang kaadiak indak bagarah
tagah diadiak balengahan,,

cincin banamo siganto sari
sasuai sajo di kulingking 
kok hilang adiek ka ma ka uda cari 
lautan sajo sa kuliling.....

jalan-jalan ka pakanbaru,
singgah sabanta di simpang tigo, 
nyampang didunia kito ndak basatu, 
untuang diakhrat ditamukan juo

buah mangkudu ditapi jalan
batang maraok ditangah jalan 
malam minggu diakhir bulan 
baa kamambaok anak gadih urang....

buah manggih buah mentimun
dirujak dek jando mudo 
yo ndak sero duduak melamun 
baa ,sanak ? kito bacando 

Buah Manggi buah mentimun ...........
Tatagak awak di kandang kudo ..........
Ba'a waden duduak melamun .......
Mamikian alun dapek Jodo .............

Urang minang pai ka serang..
Maminum talua sarato jamu..
Kok iyo kito samo sayang..
Bialah untuang ka batamu..

sepeda kumbang mari dikayuh
kayuh yang cepat hutan kayu 
jangan mengenang orang yg jauh 
orang yg dekat lagi merindu.......

Ampek angkek anak Cubadak
Kaduo Kampuang Pulasan 
Ka kida ka Pakan Labuah 
Bak api mamakan dadak Di lua indak mangasan
Di dalam hancua luluah  

Sarikayo makan jo tapai 
Makanan anak punai tanah 
Nan kayo mukasuik sampai 
Nan bansaik karam di tangah 

Urang Padang pai ka rimbo
Maambiak rotan dibalah-balah 
Cinto surang molah ambo 
Bak pisau tajam sabalah

Api-api tabang ka dusun 
Tibo di dusun sampai ka banto 
Indak mati kanai racun 
Mati digeleang suduik mato

Ditabang batuang ka Sasak
Labiahnyo ka papan tundo 
JIkok dilabiahi ancak-ancak 
Jikok dikurangi sio-sio

Rusa bertanduk diatas tebing
menyuruk lari kedalam lembah..
Bila duduk saya berunding
tegak berdiri bertutur sembah..

Mendayung biduk ke hilir
ke mudik bertolak galah
perahu laju menuju kepulau
Entah lukah di dalam air
entah air di dalam lukah
begitu Melayu dengan Minangkabau..
 

"Nan kuriak iyolah kundi
nan merah iyolah sago..
Nan baik iyolah budi
nan indah iyolah bahaso.."

Jangan bermenung sedih menderu 
rangkailah kata, salam dikirim..
Mari bergabung di Pantun Minang Melayu
perkuat ikatan bersilaturahim.

  

pagaruyuang di batu sangka, 
tampek tingga dulunyo bundo kanduang
dek urang rantau bari lah kaba 
mak sanang hati sanak di kmpg,,

baa caro denai ka mandi 
uda tagak di palo banda 
denai kaja uda jo bendi 
uda lari pakai honda

Aia mato jatuah ka rumpuik
Jatuah ka rumpuik bilang2 
Dari mato sungguah lupuik 
Dari hati ndak kunjuang hilang

Dari sawahan ka kampuang jao
Naiaklah oto dari kuranji
Jikok dikana kisah nan lamo
indak disangko cando ko kini

‎.
Songkok baukie si ramo-ramo
Sapuluah basulam intan parmato
Jikok dikana kisah nan lamo
Jatuah kadalam si aie mato

Jikok Tumbuah Sibungo Lado
Mungkin Ndak Lamo Lai Kamanjua Kapasa 
Tiok Malam Minggu Denai Yo Alah Marando 
Adiak Alah Lapeh Denai Indak Manyasa

Kamudiak sarantak galah
Kahilia sarangkuah dayuang 
Kabukik samo mandaki 
Kalurah samo manurun 
Nan barek samo dipikua 
Nan ringan samo dijinjiang

tenggih bukik sitinjau lawik,
taranah tampak kota padang,,
abih dagiang tulang barawik,,
kampuang pabilo katajalang,,,

rami balainyo batang antokan
rami dek anak rang koto tuo 
kabalai handak mambali dagiang 
jikoknyo suku nan adiak tanyokan 
denai ko putra chaniago 
anak pisang dek rang piliang

Lah lamo denai di pakan baru...
Kalau ka pulang naiak di panam... 
Lah lamo dena manahan rindu... 
Baru kini ko bakirim salam...

Disangko padi ka diampiang...
Kironyo bareh ka tanak...
Denai adiak urang asiang...
Kironyo awak badunsank...